Stjórnarfundur var haldinn þann 8. janúar 2014. Mætt voru: Björn Þorsteinsson, Hjalti Hrafn (er stýrði fundi), Hulda Björg, Júlíus Valdimarsson, Sólveig Alda og Kristinn Már (er ritaði fundargerð)
1. Verkefni á döfinni
Haldinn verður fundur í sjálfbærnihóp í næstu viku en þar er nokkur vinna hafinn og góður andi í hópnum. Unnið verður áfram með þá stefnu sem mörkuð hefur verið. Áhugasamir eru hvattir til að taka þátt.
Í málefnahópi um lýðræði á sviði stjórnmálanna er fyrirhugað að halda a.m.k. tvo kynningarfundi fyrir sumar um lýðræðisleg ferli sem reynst hafa vel (Oregon CIR og Australia Citizen Parliament). Þá verður lögð áhersla á að ræða við stjórnmálaflokka í aðdraganda sveitarstjórnarkosninga og benda þeim á mikilvægi þess að dýpka lýðræði og sjálfbærni. Félagið hefur verið í sambandi við félag stjórnmálafræðinga varðandi opinn fund um prófkjör stjórnmálaflokka.
Fyrirhugað er að halda fund um skilyrðislausa grunnframfærslu þann 22. janúar næstkomandi og framhalda vinnu um þá hugmynd; sem m.a. verður kosið um í Sviss á næstunni.
Stefnt er að fundi í hópi um málefni hælisleitenda á næstunni og áfram unnið með tillögur félagsins í þeim efnum sem því miður hafa ekki enn komið til framkvæmda.
Reynt verður að halda kynningarfund um duldan rasisma í kennsluefni á misserinu.
2. Erlendar heimsóknir
Félagið tekur reglulega á móti heimsóknum frá félögum sem deila markmiðum Öldu erlendis. Nú nýlega frá Póllandi og væntanleg heimsókn frá Eistlandi síðar í janúar.
3. Greinaskrif
Sólveig Alda er með grein í bæjarblöðum á höfuðborgarsvæðinu um lýðræði í vinnunni. Stjórnar- og félagsmenn voru hvattir til að skrifa opinberlega um lýðræði og sjálfbærni á opinberum vettvangi.
4. Önnur mál
Félagið er að ljúka við stofnun bankareiknings.
Stjórnarmenn ákváðu að skipta með sér kostnaði vegna leigu á húsnæði fyrir félagið fram á sumar.
Stefnt er að því að hitta forsvarsmenn á RÚV og hlutaðeigandi til að fylgja eftir ályktunum og tillögum félagsins um lýðræðisvæðingu fjölmiðilsins.
Fundi slitið rétt fyrir 22.